కొడుకూ, కూతురు,మనుమలు
అన్నము తిను వేళగూడ,
ఇంగిలీషు చిలకలవలె కిచకిచ
సడి చేయచుండ
కిమ్మనలేకుండె బామ్మ,
చిన్నప్పుడు నేర్వలేదు
అయ్యో! ఇపుడెట్లు వచ్హు
ఆంగ్లభాష నాకనుకొనె.
చందమామ చూపించుచు మూన్ ,మూనని తల్లి నేర్పె
మాటలొచ్హు క్షణమునుండి
'మమ్మీ' అనె చిట్టితల్లి
'అమ్మా ' అని అరచి అన్నమడుగు ముష్టి వాడు కూడ!
'మమ్మీ ' అని పిలవకుంటే కదుపుమాడు రోజులొచ్హె
పొరుగువారి పుల్లకూర
రుచియందురు తెలుగువారు
ఆ సామెత నిజము చేయుచు ' ఆంగ్లాంధ్రప్రదేశ ' మయ్యె
మన పొరుగుననున్న తమిళ కన్నడులను చూచియైన
మాత్రుభాష తీయదనము మహిచాటగ కదలరేమి !
ప్రపంచీకరణమంటు సాకు
చెప్ప సరికాదది
అట్టి ప్రమాదము కల్గగ అన్యభాషలకునుగలదు .
అయినా మన తెలుగువారి
తెలివెక్కడ తెల్లవారె !
--- జి భారతి.
